शेतकरी कंपन्यांचा लातूर येथे खरीप २०१९ मेळावा संपन्न
लातूर , २२ मे : स्पर्धाक्षम बाजार घटक म्हणून शेतकरी उत्पादक कंपन्यांची स्वतंत्र पणन व्यवस्था उभी करण्यासाठी महाएफपीसी व लातूर जिल्हा शेतकरी उत्पादक कंपनी यांच्या पुढाकारातून लातूर येथे सार्वजनिक खाजगी भागीदारी तत्वावर डाळी व सोयाबीन या पिकांना बाजारपेठ उपलब्ध करून देण्यासाठी लातूर जिल्ह्यातील ९१ शेतकरी उत्पादक कंपन्यांची खरीप हंगाम २०१९ च्या नियोजनाची महत्वपूर्ण बैठक लातूर येथे पार पडली . या बैठकीसाठी महाएफपीसी चे अध्यक्ष योगेश थोरात , लातूर जिल्हा शेतकरी उत्पादक कंपनीचे मोहन भिसे , बबन भोसले , लालासाहेब देशमुख , विलास उफाडे व शेतकरी उत्पादक कंपन्यांचे संचालक उपस्थित होते .
